३० जेठ २०८३, शनिबार
एलओडीमा धमाकेदार प्रस्तुतिबाट चर्चित र्यापर नवाज अन्सारीको साम्राज्य टुर शुरू भएको छ ।
शनिबार काठमाडौंको ठमेलस्थित एलओडीमा प्रस्तुतिसँगै र्यापर अन्सारीको साम्राज्य टुर सुरू भएको हो ।
भर्खरै विश्वको उत्कृष्ट डिजेको ४४ औं स्थानमा परेको एलओडीमा अन्सारीले आफ्नो धमाकेदार प्रस्तुति दिएका हुन् । युवा पुस्तामा चर्चित र्यापर अन्सारीले देशका विभिन्न शहरमा साम्राज्य टुर गर्ने घोषणा गरिसकेका छन्। जसको शुरूआता एलओडीबाट भएको हो ।
अन्सारीको साम्राज्य टुर पोखरा, बुटवल लगायतका शहरमा हुने जनाइएको छ । अन्सारीको यो पहिलो नेपाल टुर हो । उनी करिब ८ वर्षपछि नेपाल आएका हुन् । अमेरिकामै बसेर नेपाली हिपहपलाई प्रतिनिधित्व गर्दै आएका अन्सारी र्याप क्षेत्रमा निकै चर्चित छन् ।
एलओडीमा जेन्जीदेखि अल्फा पुस्तासम्म अन्सारीको र्यापमा झुमे । अन्सारीको प्रस्तुतिमा चर्चित भ्लगर सिसन बानियाँको उपस्थितिले दर्शकहरूलाई झन् उत्साहित बनाएको थियो । यसका साथै अन्य र्यापर प्रोफेर ट्रिक्स, यबी लगायतले एलओडीको माहोल थप उत्साहित बनाए ।
