०३ असार २०८३, बुधबार
कोलकाताको सबैभन्दा व्यस्त बुर्रा बजार क्षेत्रमा रहेको एक होटलमा आगलागी हुँदा १४ जनाको मृत्यु भएको छ ।
कोलकाताको फालपट्टी माछा मार्ने क्षेत्रमा रहेको होटलमा मंगलबार राति आगलागी भएको भारतीय सञ्चार माध्यमहरूले जनाएका छन् ।
२२ जनालाई उद्धार गरिएको र अझै पनि केही मानिसहरू भित्र फसेको हुन सक्ने समाचारमा उल्लेख छ । आगो नियन्त्रणमा आइसकेको छ ।
आगलागीको अनुसन्धान गर्न विशेष टोली गठन गरिएको छ ।
प्रारम्भिक अनुसन्धानमा होटलको चौथो तल्लामा जडान गरिएको बिजुलीको मिटरमा सर्ट सर्किट भएर आगलागी भएको खुलेको छ ।
घटनास्थलमा उपस्थित एक व्यक्तिले धेरै मानिसहरू ज्यान बचाउन होटलको छत र झ्यालबाट हाम फालेको बताए। चौथो तलाबाट हाम फाल्ने प्रयास गर्दा दुई जना घाइते भएका छन्।
