०७ साउन २०८३, बिहीबार
नेपालका लागि नवनियुक्त विभिन्न पाँच देशका गैरआवासीय राजदूतले राष्ट्रपति रामचन्द्र पौडेलसमक्ष ओहोदाको प्रमाणपत्र पेस गरेका छन् ।
बुधबार राष्ट्रपति भवन शीतल निवासमा आयोजित छुट्टाछुट्टै विशेष समारोहमा उनीहरूले आ-आफ्नो ओहोदाको प्रमाणपत्र पेस गरेका हुन् ।
नेपालका लागि गणतन्त्र बेलारूका राजदूत मिखाइल कास्को, जर्जियाका वाख्ताङ जाओश्विली, गणतन्त्र मालीका फेलिक्स डियालो, कुवेतका मेशल मुस्तफा जे अलशेमाली र गणतन्त्र अर्मेनियाका वाहाग्न अफ्यानले ओहोदाको प्रमाणपत्र बुझाएका हुन् ।
समारोहमा परराष्ट्र मन्त्री डा. आरजु राणा देउवा र सरकारका उच्च पदस्थ अधिकारीसमेतको उपस्थिति थियो। नवनियुक्त राजदूतलाई काठमाडौंस्थित होटल डुसिट प्रिन्सेसदेखि राष्ट्रपति भवनसम्म रिसल्लासहितको बग्गीमा सवार गराइएको थियो ।
