२५ जेठ २०८३, सोमबार
सरकारले विदेशी विनिमय जोखिमलाई प्रभावकारी रूपमा व्यवस्थापन गर्न हेजिङको व्यवस्था लागू गर्ने भएको छ ।
बिहीबार संघीय संसद्को संयुक्त बैठकमा आर्थिक वर्ष २०८२/८३ को बजेट प्रस्तुत गर्दै अर्थमन्त्री विष्णु पौडेलले यो व्यवस्था व्यापारिक तथा वित्तीय क्षेत्रमा स्थिरता ल्याउन महत्त्वपूर्ण हुने बताए ।
उनले उधारो उठाउन सक्ने कानूनी व्यवस्थापन पनि लागू गरिने जानकारी दिए । जसले लगानी र ऋण व्यवस्थापनलाई सरल र पारदर्शी बनाउने अपेक्षा गरिएको छ ।
साथै, कसुरजन्य सम्पत्तिको जफतसम्बन्धी कार्यलाई थप प्रभावकारी बनाउन र व्यवस्थापन गर्न सरकारले नयाँ कदम चाल्ने योजना रहेको बजेटमा उल्लेख छ ।
यसले अवैध सम्पत्तिको नियन्त्रण र पुनः प्राप्तिलाई सुनिश्चित गर्ने मन्त्री पौडेलको भनाइ छ ।
