०८ असार २०८३, सोमबार
राजसंस्था पुनर्स्थापनाको मागसहित आन्दोलनरत राजावादी समूहले आज पनि काठमाडौंमा प्रदर्शन गर्दै छन् । बिहीबार काठमाडौंको रत्नपार्कमा विरोध सभा गरेका उनीहरूले आज माइतीघर-बबरमहल क्षेत्रमा प्रदर्शन गर्ने भएका हुन् ।
संयुक्त जनआन्दोलन समितिको संयोजनमा हुने प्रदर्शनमा राप्रपा, राप्रपा नेपालसहितका हिन्दुवादी र राजावादी संगठन सहभागी छन्।
यसअघि बिहीबार राजधानीको शान्तिबाटिकामा पनि यिनै समूहले प्रदर्शन गरेका थिए । उनीहरूले राजसंस्था र हिन्दुराष्ट्र पुनर्स्थापना, संघीयता खारेजी लगायतका माग अघि सार्दै अनिश्चितकालीन आन्दोलन शुरू भएको घोषणा गरेका छन् ।
राजतन्त्र नआउञ्जेल यो प्रदर्शन गरिरहने राप्रपा नेपालका अध्यक्ष कमल थापाले बताए ।
