२० असार २०८३, शनिबार
डडेल्धुरा, १९ मंसिर– प्रधानमन्त्री शेरबहादुर देउवाका प्रतिस्पर्धी प्रतिनिधिसभा सदस्यका लागि डडेल्धुराबाट वाम गठवन्धनका उम्मेदवार खगराज भट्ट चढेको गाडीलाई लक्षित गरी बम बिस्फोट भएको छ ।
भट्ट सवार म१च २४१९ नम्बरको गाडीमाथि बम आक्रमण भएको हो । सोमवार डडेल्धुराको भित्री मधेस क्षेत्र (जोगबुढा)मा आयोजित चुनावी सभाबाट सदरमुकाम फर्किने क्रममा उनको गाडीमाथि बम आक्रमण भएको हो ।
भट्टको गाडीमाथि आलीताल गाउँपालिका–७ बागखोली भन्ने ठाउँमा राति ८ः३० बजे आक्रमण भएको प्रहरीले जनाएको छ । बम आक्रमणबाट भट्टको गाडीमा सामान्य क्षति पुगेको जनाइएको छ ।
आक्रमणबाट कुनै मानवीय क्षति भएको छैन । बम बिस्फोट पछि प्रहरीले सकर्टिङ गरी भट्टलाई सदरमुकाम पुर्याएको थियो ।
