सुनसरीमा प्रहरीले एक हजार १२० किलोग्राम लागूऔषध गाँजा बरामद गरेको छ ।

हरिनगरा गाउँपालिका-५ र ६ को सिमानास्थित कटान खोलाको बगरबाट उक्त परिमाणको अवैध लागूऔषध गाँजा मंगलबार साँझ प्रहरीले बरामद गरेको हो ।

इलाका प्रहरी कार्यालय देवानगञ्ज समेतबाट खटिएको प्रहरीले उक्त खोलाको बगरमा बालुवामा गाडी राखिएको अवस्थामा ३८ वटा बोरामा रहेको उक्त परिमाणको गाँजा फेला पारेको हो । 

यस सम्बन्धमा प्रहरीले आवश्यक अनुसन्धान गरिरहेको जनाएको छ।