जल तथा मौसम विज्ञान विभागले आगामी तीन दिन देशका प्रमुख नदीमा जलसतह सतर्कता तहभन्दा तलै रहने बताएको छ । 

कोशी, नारायणी, कर्णाली, महाकाली तथा ती नदीका प्रमुख सहायक नदीहरूमा आगामी तीन दिन जलसतह सतर्कता तहभन्दा तलै रहने विभागको अनुमान छ ।

विभागले जारी गरेको सूचना अनुसार पूर्वी राप्ती, पश्चिम राप्ती, कन्काई, कमला, बागमती र बबई नदीमा समेत जलसतहको उतारचढाव भइरहने देखिए पनि सतर्कता तहभन्दा माथि पुग्ने सम्भावना कम छ ।

तराई तथा नदी तटीय क्षेत्रमा हुने दैनिक गतिविधिमा भने सामान्य सतर्कता अपनाउन विभागले आग्रह गरेको छ ।