२९ असार २०८३, सोमबार
अमेरिकी राष्ट्रपति डोनाल्ड ट्रम्पले ईरानमाथि सैन्य आक्रमण गर्ने योजनालाई सैद्धान्तिक स्वीकृति दिएको अमेरिकी सञ्चारमाध्यमले जनाएका छन्। तर, उनले अझै अन्तिम निर्णय भने गरेका छैनन्।
अमेरिकी सञ्चार संस्था सीबीएसले एक वरिष्ठ खुफिया स्रोतलाई उद्धृत गर्दै यदि ईरानले आफ्नो परमाणु कार्यक्रम तत्काल बन्द गर्ने प्रतिबद्धता जनायो भने सम्भावित आक्रमण रोक्न सकिने बताएको छ ।
यो समाचार सबैभन्दा पहिला वल स्ट्रीट जर्नलले प्रकाशन गरेको थियो।
बुधवार, पत्रकारहरूसँग कुराकानी गर्दै ट्रम्पले ईरानमा हस्तक्षेप गर्ने विषयमा अस्पष्ट जवाफ दिएका थिए। "म गर्न सक्छु, म नगर्न पनि सक्छु," ट्रम्पले भनेका थिए।
यसबीच, इजरायलले जुन १३ तारिखका दिन ईरानका परमाणु केन्द्रहरूमा हमला गरेको थियो। त्यसको जवाफी कारवाहीस्वरूप ईरानले समेत इजरायलमा हमला गरेको पुष्टि भएको छ। दुबै देशबीच अहिले स्थिति तनावपूर्ण रहेको छ।
राष्ट्रपति ट्रम्पको निर्णय आगामी दिनमा अमेरिकाको पश्चिम एसियासँगको रणनीतिक सम्बन्धमा निर्णायक हुने अनुमान गरिएको छ।
