१० साउन २०८३, आइतबार
आठ दिनदेखि जारी इजरायल र इरानबीचको द्वन्द्व बढ्दै गइरहेको छ। दुई देशबीच द्वन्द्व बढ्दै गएपछि धेरै देशहरूले आफ्ना नागरिकहरूलाई सुरक्षित रूपमा बाहिर निकाल्न अभियान चलाइरहेका छन्।
अष्ट्रेलियाले इरानबाट लगभग १५०० अष्ट्रेलियाली नागरिकहरू र इजरायलबाट लगभग १२०० अष्ट्रेलियाली नागरिकहरूलाई बाहिर निकालिरहेको छ।
द्वन्द्व शुरू हुनेवित्तिकै केही अष्ट्रेलियाली नागरिकहरूले इजरायल छोडेका थिए, जबकि अरूलाई सुरक्षित रूपमा ल्याउने प्रयास भइरहेको छ।
चिनियाँ विदेश मन्त्रालयका अनुसार चीनले अहिलेसम्म इरानबाट आफ्ना १६०० भन्दा बढी नागरिकहरू र इजरायलबाट सयौं नागरिकहरूलाई बाहिर निकालेको छ।
चीनले आफ्ना नागरिकहरूलाई अजरबैजान, तुर्कमेनिस्तान, टर्की, आर्मेनिया वा इराक हुँदै जान सल्लाह दिएको छ।
इरानबाट ११० भारतीय विद्यार्थीहरू बिहीबार भारत फर्किएका छन्। सरकारले इजरायलमा रहेका फर्कन चाहने भारतीय नागरिकहरूलाई बाहिर निकाल्ने तयारी भइरहेको बताएको छ। हाल इजरायलमा लगभग ३० हजार भारतीयहरू छन्।
इरान र इजरायलमा फसेका आफ्ना नागरिकहरूलाई बाहिर निकाल्न जापानले जिबुटीमा दुई सैन्य विमान पठाएको छ । इजरायलमा लगभग १००० जापानी नागरिकहरू छन् र इरानमा लगभग २८० नागरिक छन् ।
इजरायल-इरान द्वन्द्वको बीचमा अहिलेसम्म लगभग तीन हजार पाकिस्तानी नागरिकहरू इरान छोडेका छन् ।
यता, नेपालले भने फर्किने चाहनेलाई फर्म भर्न अनुरोध गरेको छ ।
