३० असार २०८३, मंगलबार
इरानका सर्वोच्च नेता अयतुल्लाह अली खामेनीले अमेरिकी राष्ट्रपति डोनाल्ड ट्रम्पलाई युद्धमा नजान चेतावनी दिएका छन् ।
उनले टेलिग्राममा पुरानो टेलिभिजन वक्तव्य पुनः सार्वजनिक गर्दै अमेरिका यदि इरानसँगको जारी तनावका बीच युद्धमा होमियो भने त्यसको ‘गम्भीर नतिजा’ भोग्नुपर्ने चेतावनी दिएका छन् ।
खामेनीले भिडियो सन्देशमा भनेका छन्, ‘अमेरिका यदि यो युद्धमा प्रवेश गर्छ भने, त्यसले भोग्ने क्षति इरानले भोग्ने सम्भावित क्षतिभन्दा धेरै गम्भीर र गहिरो हुनेछ ।’
इरान–इजरायल द्वन्द्व चर्किरहेका बेला अमेरिका तनावलाई नियन्त्रणमा राख्ने प्रयासमा देखिए पनि खामेनीको यो चेतावनीले परिस्थिति थप जटिल बन्ने संकेत दिएको छ ।
पछिल्ला दिनमा इरानले इजरायली लक्ष्यमा मिसाइल आक्रमण गरेको छ ।
नेपाली समय अनुसार आइतबार बिहान मात्र अमेरिकाले इरानका तीन आणविक केन्द्रमा आक्रमण गरेको जनाइएको छ ।
राष्ट्रपति ट्रम्पका अनुसार अमेरिकाले फोर्डो, नतांज र इस्फहान आणविक केन्द्रमा आक्रमण गरेको छ ।
यसअघि खामेनीले इरानको सार्वभौमिकता र सुरक्षामाथि आक्रमण भएमा कडा प्रतिरोध हुने बताउँदै आएका थिए ।
