२९ जेठ २०८३, शुक्रबार
युक्रेनका गृहमन्त्री इहोर क्लाइमेन्कोले युक्रेनको राजधानी किभमा रातभरि गरेको क्षेप्यास्त्र र ड्रोन आक्रमणमा कम्तिमा चार जनाको मृत्यु भएको बताएका छन् ।
सामाजिक सञ्जालमा यी आक्रमणहरूको बारेमा जानकारी दिँदै क्लाइमेन्कोले लेखेका छन्, 'यस आक्रमणमा आवासीय क्षेत्र, अस्पताल र खेलकुद पूर्वाधारलाई लक्षित गरिएको छ ।'
जिल्लामा रहेको एक अग्लो आवासीय भवनको सम्पूर्ण भाग भत्किएको उनले बताए । केही मानिसहरू अझै पनि भग्नावशेषमुनि फसेको उनको भनाइ छ ।
किभ क्षेत्रीय प्रमुख माइकोला कलाश्निकका अनुसार यस आक्रमणमा एक महिलाको मृत्यु भएको छ र अन्य दुई जना घाइते भएका छन् ।
युक्रेनको आपतकालीन सेवा डीएसएनएसले किभमा दुई बालबालिका र एक गर्भवती महिलासहित कुल १३ जना घाइते भएको बताएको छ । रुसी सेनाले यस आक्रमणमा कुनै टिप्पणी गरेको छैन ।
