२८ जेठ २०८३, बिहीबार
एनसेलले अब ९७१ बाट शुरू हुने मोबाइल नम्बर उपलब्ध गराउने भएको छ । साउनको दोस्रो साताभित्रै नयाँ सिम वितरण थाल्ने तयारी रहेको कम्पनीले जनाएको छ ।
नेपाल दूरसञ्चार प्राधिकरणले गत जेठ १४ गते एनसेललाई यो नम्बर रेन्जका नम्बर वितरण गर्न अनुमति प्रदान गरेको थियो । प्राधिकरणले एनसेलका लागि जारी गरेको ९८०, ९८१, ९८२, ९७० नम्बर रेन्ज अपुग भएकोले नयाँ नम्बर रेन्ज प्रदान गरिएको हो ।
यो नयाँ नम्बर रेन्ज प्राधिकरणको राष्ट्रिय नम्बरिङ् वितरण योजना (नेशनल नम्बरिङ् अलोकेशन प्लान)को नियम अनुरूप जारी भएको हो ।
दूरसञ्चार सेवाहरू बाहेक विभिन्न महत्त्वपूर्ण कामहरू जस्तै: वान टाइम पासवर्ड (ओटीपी) लिन, मोबाइल एप र वेबमा आधारित सेवाहरूका लागि साइन अप गर्नलगायत विभिन्न डिजिटल कारोबार गर्दा मोबाइल नम्बरको ठूलो आवश्यकता रहन्छ ।
एनसेलले विभिन्न सेवाप्रदायक कम्पनी, सरकारी तथा गैर सरकारी संस्था, कार्यालय, बैंक तथा वित्तीय संस्थाहरूलाई यो नयाँ नम्बर रेन्जलाई हाल सञ्चालनमा रहेका अन्य रेन्ज सरह ग्राहक सेवाका लागि आ–आफ्नो प्रणालीमा इन्ट्रिगेट/अपडेट गर्न अनुरोध गरेको छ ।
