०६ साउन २०८३, बुधबार
लुम्बिनी प्रदेश सभाको छैटौँ अधिवेशन अन्तर्गत चौधौँ बैठकमा आगामी आर्थिक वर्ष २०८२\०८३ को सैद्धान्तिक छलफल सकिएको छ ।
मङ्गलवार आर्थिक मामिला तथा योजना मन्त्री धनेन्द्र कार्कीले वक्तव्यसहित‘आर्थिक वर्ष २०८२\०८३ को राजस्व र व्ययको वार्षिक अनुमान’माथि सैद्धान्तिक छलफल प्रारम्भ गरियोस् भनी प्रस्ताव पेस गरेका थिए । बजेटमाथिको सैद्धान्तिक छलफलमा प्रदेश सभा सदस्य विष्णु पन्थी, कनैया बनिया, चन्द्रकेश गुप्ता, सुधाकर पाण्डेले भाग लिएका थिए ।
बैठकमा आर्थिक मामिला मन्त्री कार्कीले आर्थिक वर्ष २०८२\०८३ सेवा र कार्यको लागि प्रदेश सञ्चित कोषबाट केही रकम खर्च गर्ने र विनियोजन गर्ने सम्बन्धमा व्यवस्था गर्न वनेको विधेयक सभामा पेस गरेका थिए ।
