३१ जेठ २०८३, आइतबार
काठमाडौंको चन्द्रागिरिमा एउटा मोटरसाइकल अनियन्त्रित भएर स्कूटरमा ठोक्किँदा एक जनाको मृत्यु भएको छ ।
चन्द्रागिरि नगरपालिका–१५ तीनथानास्थित सडकमा आज बिहान बा ८५प ४८२२ नंको मोटरसाइकल बा प्र ०२–०४२ प ९८२२ नम्बरको स्कूटरमा ठोक्किएर दुर्घटना हुँदा मोटरसाइकल चालकको मृत्यु भएको हो ।
मृत्यु हुनेमा सोही नगरपालिका–४ थानकोट घर भएका ३४ वर्षीय रोशन ढकाल रहेका जिल्ला प्रहरी परिसर काठमाडौंका प्रवक्ता प्रहरी उपरीक्षक अपिलराज बोहराले जानकारी दिए ।
दुर्घटनामा गम्भीर घाइते भएका उनको शहीद मेमोरियल अस्पताल कलङ्कीमा उपचारका क्रममा मृत्यु भएको हो ।
दुर्घटनामा घाइते भएका स्कूटरमा सवार दुई जनाको सोही अस्पतालमा उपचार भइरहेको छ ।
