सुनसरी र झापामा करेन्ट लागेर एक/एक जनाको मृत्यु भएको  छ ।

सुनसरीको रामधुनी नगरपालिका-६ बस्ने १८ वर्षीया स्मृति चौधरीको करेन्ट लागेर शुक्रबार साँझ मृत्यु भएको हो । 

आफ्नै घरमा कल चलाउने क्रममा करेन्ट लागेर गम्भीर घाइते भएकी उनको सान्वीसिटी अस्पतालमा उपचारको क्रममा मृत्यु भएको प्रहरीले जनाएको छ । 

यसैगरी, झापाको अर्जुनधारा नगरपालिका-४ भाङबारी बस्ने ३५ वर्षीय दीपक पाण्डेको करेन्ट लागेर शुक्रबार दिउँसो मृत्यु भएको हो ।

बिर्तामोड नगरपालिका-२ पश्चिम स्टेण्डस्थित बिजुलीको ट्रान्समिटर जोड्ने क्रममा करेन्ट लागेर गम्भीर घाइते भएका उनको बीएण्डसी अस्पताल बिर्तामोडमा उपचारको क्रममा मृत्यु भएको प्रहरीले जनाएको छ ।