सिन्धुलीको गोलन्जोर गाउँपालिका–६ बाट बेपत्ता भएका भनिएका हायु परिवारका सबै सदस्य सोमबार पोखरामा भेटिएका छन्। कास्की प्रहरीले पोखराको गगनगौंडास्थित एक घरमा उनीहरु फेला परेको जनाएको छ । 

कास्कीका प्रहरी प्रमुख (एसपी) श्यामबाबु ओलियाले बयानका क्रममा उनीहरुले आफूहरू मजदुरी गर्न  पोखरा आएको बताएको जानकारी दिए । 
 उनीहरू सिन्धुलीबाट गाडीमा पोखरा आएको खुलेको पनि प्रहरीले जनाएको छ । पोखरा आएपछि उनीहरु एक दिन होटलमा बसेको र त्यसपछि स्थानीयको घरमा पुगेको बताइएको छ । 

उनीहरु सबै उर्मिला हायुका परिवारका सदस्य हुन् । शुक्रबारदेखि उनीहरु सम्पर्कविहीन भएका थिए ।