२९ जेठ २०८३, शुक्रबार
नेपाली कांग्रेस बागमती प्रदेश संसदीय दलको नेतामा इन्द्रबहादुर बानियाँ निर्वाचित भएका छन् ।
आज भएको दलको निर्वाचनमा बानियाँले मख्यमन्त्रीसमेत रहेका बहादुरसिंह लामालाई पराजित गर्दै विजयी बनेका हुन् ।
बानियाँले २२ मत प्राप्त गर्दा लामाले १४ मत पाएका थिए ।
यस अघि २०७९ पुस १३ गते कांग्रेस संसदीय दलको चुनावमा लामाले २१ र बानियाँले १५ मत पाएका थिए ।
कांग्रेस-एमाले गठबन्धन बनेपछि लामा मुख्यमन्त्री भएका थिए । उनी मुख्यमन्त्री हुँदा एक/एक वर्षको आलोपालोको सहमति भएको दाबी बानियाँ पक्षले गरेको छ । सोही कारणले मुख्यमन्त्रीबाट राजीनामा दिन लामामाथि दबाब परेको थियो ।
पार्टी सभापति शेरबहादुर देउवाको आग्रहबीच लामा राजीनामा नदिने अडानमा पुगेका हुन् । उनले राजीनामा नदिएपछि अर्को पक्षका चार मन्त्रीले राजीनामा दिएका थिए ।
त्यसपछि मंगलबार सांसदबीच मत विभाजन भएको थियो । यस्तोमा लामाले १५ मत मात्रै पाए । अघिल्लोपटक ५ भोटले हारेका बानियाँले यसपटक ७ प्रदेशसभा सदस्य आफ्नो पक्षमा पारेका हुन् ।
