नेकपा (माओवादी केन्द्र)को स्थायी कमिटी बैठक शुरू भएको छ ।

पार्टी कार्यालय पेरिसडाँडामा शुक्रबार दिउँसो १ बजेपछि शुरू भएको बैठकमा अध्यक्ष पुष्पकमल दाहाल 'प्रचण्ड'ले वर्तमान परिस्थितिबारे ब्रिफिङ गर्नेछन् ।

यसअघि बुधबार बसेको पदाधिकारी बैठकले स्थायी कमिटी बैठकका एजेन्डा तय ​गरेको थियो ।

पदाधिकारी बैठकको निर्णयअनुसार स्थायी समितिमा रोकिएको अभियानलाई निरन्तरता दिने र केन्द्रीय समितिको मिति तय गर्नेबारे छलफल हुने छ ।

यसैगरी, समाजवादी मोर्चालाई सक्रिय र विस्तार गर्नेबारे छलफल हुने, सङ्गठन निर्माण विकास र आन्तरिक एकता सुदृढीकरणबारे पनि छलफल हुने प्रवक्ता अग्नि सापकोटाले जानकारी दिए ।