०२ साउन २०८३, शनिबार
मानव बेचबिखन तथा ओसार पसार मुद्दामा इन्टरपोलबाट ‘रेड नोटिस’ जारी भएका फरार एक प्रतिवादीलाई प्रहरीले पक्राउ गरेको छ ।
पक्राउ पर्नेमा कलबहादुर बस्नेत रहेका छन् । उनलाई इन्टरपोल सहयोगमा नेपाल ल्याइएको हो ।
रुकुम पश्चिम बाँफिकोट गाउँपालिका–२ घर भएर कीर्तिपुर नगरपालिका–४ गाम्चा बस्ने बस्नेतलाई एनसीबी आवुधावी समन्वयमा यूएईमा पक्राउ गरी नेपाल ल्याइएको प्रहरी प्रधान कार्यालयले जनाएको छ ।
बस्नेतविरुद्ध २०८१ पुस ११ गते रेड नोटिस जारी भएको थियो ।
उनलाई सम्बन्धित कसुर बमोजिम कानूनी कारबाहीका लागि मानव बेचबिखन ब्यूरोमा पठाइएको प्रहरी प्रधान कार्यालयले जनाएको छ ।
