रुसी विदेशमन्त्री सर्गेई लाभरोभले राष्ट्रपति भ्लादिमिर पुटिन युक्रेनी राष्ट्रपति भोलोदिमिर जेलेन्स्कीलाई भेट्न तयार रहेको बताएका छन् । यद्यपि, उनले जेलेन्स्कीको राष्ट्रपतित्वको वैधतामाथि प्रश्न उठाए।

लाभरोभले अमेरिकी च्यानल एनबीसीलाई दिएको अन्तर्वार्तामा भने, 'वार्ता तब मात्र फरक पर्नेछ जब हामी कागजातमा हस्ताक्षर गर्ने व्यक्ति वैध छ भन्ने कुरा स्पष्ट हुन्छौं । युक्रेनको संविधान अनुसार, जेलेन्स्की अब राष्ट्रपति रहेनन् । उनी डिफ्याक्टो प्रमुख हुन्, तर सम्झौतामा कसले हस्ताक्षर गर्नेछ भन्ने गम्भीर प्रश्न हो ।'

रूसले लामो समयदेखि जेलेन्स्कीको वैधतामाथि प्रश्न उठाउँदै आएको छ। उनको कार्यकाल मे महिनामा समाप्त भएको थियो, तर किभले भने कि मार्शल ल लागू भएका कारण उनको शक्ति बढेको छ र उनी अझै पनि राष्ट्रपति छन् ।

जेलेन्स्कीले आइतबार पुटिनसँग प्रत्यक्ष भेट युद्ध रोक्ने सबैभन्दा प्रभावकारी तरिका भएको बताएका थिए ।