प्रधानमन्त्री केपी शर्मा ओलीले प्रतिनिधि सभामा विश्वासको मत नलिएको भन्दै परेको रिटमा सर्वोच्च अदालतले ‘पक्षबाट कागज पेश गराउने’ आदेश गरेको छ ।

न्यायाधीशद्वय महेश शर्मा पौडेल र नृपध्वज निरौलाको इजलासले अन्तरिम आदेश दिन अस्वीकार गर्दै पक्षबाट कागज पेश गराउने आदेश गरेको हो ।

सरकारमा सहभागी र समर्थन गरेका दलले समर्थन फिर्ता लिए पनि प्रधानमन्त्रीले विश्वासको मत नलिएको भन्दै अधिवक्ता वीरेन्द्र केसीले सर्वोच्चमा रिट दायर गरेका थिए ।

यसअघि यो रिटमा प्रारम्भिक सुनुवाइ गर्दै न्यायाधीश सुनिल पोखरेलको एकल इजलासले सरकारसँग लिखित जवाफ माग गरेको थियो ।

अन्तरिम आदेशका लागि आज ११ गते दुवै पक्षलाई उपस्थित हुन सर्वोच्चले आदेश गरेको थियो ।