१९ असार २०८३, शुक्रबार
रुकुम पश्चिमको मुसीकोट नगरपालिका–१ छिङमा पहिरोले पुरिएर एक जनाको मृत्यु भएको छ ।
आज बिहान भेँडा बाख्रा लिएर गोठालो जाँदै गरेकी तल्लो छिङकी करिब ६९ वर्षीया हिमकुमारी मल्लको पहिरोले पुरिएर मृत्यु भएको वडाध्यक्ष ज्ञानुचन्द्र चन्दले जानकारी दिए ।
उनीसँगै भेँडा र बाख्रा समेत पहिरोमा पुरिएर मरेका छन् ।
हिमकुमारीले आउन ढिला गरेपछि परिवारका सदस्यले खोजी गर्दै जाँदा पहिरोले पुरिएको अवस्थामा शव फेला परेको वडाध्यक्ष चन्दले बताए ।
उनका अनुसार, मृतकको शव प्रहरी र स्थानीयको सहयोगमा निकालिएको हो ।
