०४ साउन २०८३, सोमबार
संयुक्त राष्ट्रसंघको आव्हानमा शान्ति स्थापना कार्यका लागि सेन्ट्रल अफ्रिकन रिपब्लिकमा तैनाथ नेपाली शान्ति सैनिकको अदलीबदली गरिएको छ ।
संयुक्त राष्ट्रसंघको शान्ति मसिन मिनुस्कामा सहभागी सैनिक प्रहरी युनिट (शान्ति सेना) दशौं डफ्फालाई बदली गर्नका लागि सैनिक प्रहरी युनिट (शान्ति सेना) एघारौं डफ्फाका ७१ जना शान्ति सैनिक प्रस्थान गरेका हुन् ।
एघारौं डफ्फाका सैनिक आइतबार राति मिसन इलाका प्रस्थान गरेका सैनिक जनसम्पर्क तथा सूचना निर्देशनालयले जनाएको छ ।
उक्त मिसनमा आफ्नो कार्यकाल सम्पन्न गरेका नेपाली शान्ति सैनिकहरू आइतबार नै स्वदेश फिर्ता भएका छन् । हाल उक्त मिसनमा नेपाली सेनाका १२३९ जना शान्ति सैनिक कार्यरत छन् ।
