३१ जेठ २०८३, आइतबार
भोजपुर, १४ पुस– भोजपुरको पौवादुम्बा गाउँपालिका–३ च्यांग्रेमा आगलागी हुँदा तीन जना घाइते भएका छन् । स्थानीय पर्शुराम श्रेष्ठको घरमा आगलागी हुँदा श्रेष्ठसहित उनकी २९ वर्षीया श्रीमती देवीमाया र ९ महिनाकी छोरी नवीना घाइते भएको प्रहरीले जनाएको छ । देवी मायाको दुवै खुट्टा र नवीनाको चिउँडोमा चोट लागेको छ ।
फुसको छानो भएको दुई तले घरमा विद्युत् प्रवाह भई आगलागी भएको बताइएको छ । आगलागीमा घरभित्र रहेका नगद रु ६० हजार, दुई तोला चाँदी, अन्नपात, लत्ताकपडा लगायतका सामग्री जल्दा करिब रु छ लाख बराबरको क्षति भएको प्रहरी चौकी तिवारी भञ्ज्याङले जनाएको छ ।
