काठमाडौं,१० माघ – स्पेनिस ला लिगामा बार्सिलोनाले शीर्ष स्थानको रियल मड्रिडसँगको अंक दूरी घटाएको छ ।
आइतबार राति भएको खेलमा बार्सिलोनाले एइबरलाई ४–० ले पराजित गर्दे बार्सिलोनाले उपाधि दाबेदार रियल मड्रिडसँगको दूरी २ अंकमा झारेको हो । बार्सिलोनाको जितमा लियोनल मेस्सी, लुइस स्वारेज, नेइमार डेनिस स्वारेजले गोल गरे ।
३१ औं मिनेटमा डेनिस स्वारेजले गोल गर्दै पहिलो हाफमा बार्सिलोनालाई १–० को अग्रता दिएका थिए । बार्सिलोनाले दोस्रो हाफमा थप तीन गोल र्गयो । दोस्रो हाफमा एमएसएनले गोल गरे । ५० औं मिनेटमा मेस्सी तथा ६८ औं मिनेटमा स्वारेजले गोल गर्दै बार्सिलोनाको अग्रता ३–० मा र्पुयाए ।
इन्जुरी समयमा नेइमारले गोल गरेपछि बार्सिलोनाले ४–० को जित निकाल्यो । जितपछि तेस्रो स्थानको बार्सिलोनाको १९ खेलबाट ४१ अंक छ । शीर्ष स्थानको रियल मड्रिडको ४३ अंक रहेको छ । उसले एक खेल कम खेलेको छ ।
