०२ असार २०८३, मंगलबार
काठमाडौं, २० पुस– मानव बेचबिखनमा संलग्न दलालको जालोमा पुगेर अफ्रिकी मुलुक केन्या पुगेका ७ नेपाली चेलीको उद्दार भएको छ ।
भारतीय उच्च आयोगको पहलमा ७ नेपालीसँगै ३ भारतीय युवतीको उद्दार भएको हो ।
नैरोवीमा रहेको भारतीय हाइ कमिसन (उच्च आयोग)ले भारत हुँदै कन्या लैजान लगिएका ३ भारतीय युवतीको उद्दार गरेको हो । सो क्रममा सँगै केन्या लैजान लगिएका ७ नेपाली युवतीको पनि उद्दार गरिएको भारतीय विदेशमन्त्री सुषमा स्वराजले जनाएकी छन् ।
भारतीय उच्च आयोग र केन्या प्रहरीको संयुक्त अपरेसनबाट नेपाली र भारतीय गरी १० युवतीको उद्दार गरिएको हो । भारतको पञ्जावलाई आधार बनाएर अफ्रिकी देशमा भारतीय र नेपाली युवतीको तस्करी हुने गरेको तथ्य समेत सार्वजनिक भएको छ ।
भारतीय विदेशमन्त्री स्वराजले सामाजिक सञ्जाल ट्वीटरमा एक स्टाटस लेख्दै भारतीय र नेपाली युवतीको उद्दार गरिएको बताएकी छन् ।
मन्त्री स्वराजका अनुसार ती युवतीलाई केन्याको मोम्बासामा बन्धक बनाएर राखिएको थियो । मोम्बासा केन्याको प्रमुख बन्दरगाह भएको शहर हो ।
‘हामीले तीन भारतीय युवतीलाई केन्यामा उद्दार गरेका छौं । संस्थागत रुपमा भइरहेको अपराधको सिन्डिकेटमार्फत यिनीहरु बेचिँदै थिए । सात नेपाली युवतीकोसमेत उद्दार भएको छ,’ स्वराजले ट्वीटरमा लेखेकी छन्, ‘उनीहरुको पासपोर्ट र फोन नियन्त्रणमा लिइएको छ । उनीहरुलाई मोम्बासामा बन्धक बनाएर राखिएको थियो ।’
साथै स्वराजले उद्दारमा संलग्न भारतीय उच्च आयोगका आयुक्त सुचित्रा दुरै र प्रथम सचिव किरण यादवको उच्च प्रसंशा गरेकी छन् । स्वराजले केन्या प्रहरीबाट सहयोगका लागि धन्यवाद ज्ञापन गरेकी छन् ।
We have rescued three Indian girls from Kenya. The girls were victims of an organised crime syndicate that indulged in trafficking of girls. Seven Nepalese girls were also rescued. Their Passports and phones were taken and they were held captive in Mombasa. /1
— Sushma Swaraj (@SushmaSwaraj) January 4, 2018
I appreciate the efforts of Ms.Suchitra Durai, Indian High Commissioner in Kenya. Our First Secretary Karan Yadav deserves a special mention. We thank the Kenyan Police for their help./3 @IndiainKenya @capt_amarinder
— Sushma Swaraj (@SushmaSwaraj) January 4, 2018
