विश्वकै सर्वाधिक लोकप्रिय खेलमध्ये एक हो, बास्केटबल । विश्वभर सर्वाधिक चर्चा बटुल्ने र कमाइ गर्ने खेलाडीमध्ये पनि पर्छन्, बास्केटबल खेलाडी । नेपालमा पनि बास्केटबल खेल निकै लोकप्रिय छ ।

खासगरी, निजी क्षेत्रका स्कुल र कलेजहरूले यो खेलको विकासमा महत्त्वपूर्ण भूमिका निर्वाह गर्दै आएका छन् । नेपालमा बास्केटबल संघ स्थापना भएको पनि ३६ वर्ष पुगिसकेको छ ।

यो अवधिमा नेपाली बास्केटबलले अन्तर्राष्ट्रिय उपाधि पनि चुमेको छ ।

नेपालले २०८१ सालमा चीनमा सम्पन्न युनान प्रान्त बोर्डर ह्याप्पिनेस भिलेज स्पोर्टस कार्निभलमा स्वर्ण पदक जितेको थियो । नेपाली बास्केटबलले जितेको यो एक मात्र अन्तर्राष्ट्रिय पदक हो ।

लामो समयदेखि देशभित्र बास्केटबलका ठूला प्रतियोगिता अवरुद्ध हुँदै आएको अवस्थामा हालै नेपाल बास्केटबल संघले हिमालयन जाभा नेशनल बास्केटबल लिग पनि आयोजना गरेको छ ।

एक महिना चलेको यो वृहत् प्रतियोगिताले देशभित्र फेरि बास्केटबल खेल जुर्मुराउन थालेको संकेत दिएको छ । तर, खेलाडीले अन्तर्राष्ट्रिय प्रतियोगिता खेल्न नपाएको भने लामै समय बितिसकेको छ ।

अर्कोतिर, लामो समयदेखि महिला बास्केटबलको राष्ट्रिय प्रतियोगितासमेत आयोजना हुन सकिरहेको छैन । केही समयदेखि देशभित्रै फ्रेन्चाइज बास्केटबल लिग आयोजनाको चर्चा पनि चल्दै आएको छ ।

यी र यस्तै अन्य समसामयिक विषयमा केन्द्रित रहेर लोकान्तरले नेपाली बास्केटबलका चर्चित र अनुभवी खेलाडी विजय बुर्जासँग कुराकानी गरेको छ ।  

कुराकानीका क्रममा हामीले बुर्जासँग नेपाली बास्केटबलले हासिल गरेको उपलब्धि र सामना गर्नु परेका चुनौतीजस्ता विषयमा प्रश्न गरेका थियौं ।

हामीले बुर्जासँग हिमालयन जाभा नेशनल लिगले घरेलु बास्केटबलमा पुर्‍याएको योगदान, पहिलो अन्तर्राष्ट्रिय पदक जित्दाको क्षण, सरकार र संघसँग खेलाडीको अपेक्षा, अन्तर्राष्ट्रिय सहभागिताको अवस्था, बास्केटबल खेलको भविष्य, उनको आगामी योजनाजस्ता विषयमा पनि प्रश्न गरेका थियौं ।

बुर्जाको भनाइ हाइलाइट्स:

० हामी कुन अन्तर्राष्ट्रिय प्रतियोगिताको तयारी गर्दैछौं भन्ने नै थाहा छैन ।

० एकपटको खेलाडी सधैंको खेलाडी, बास्केटबलबाट ढाटा रहन सक्दिनँ ।

० खेलकुदमै लागेर जीवन धान्ने अवस्था बनिसकेको छैन, खेलाडी पलायन यसैको परिणाम हो ।

० देशका लागि पहिलो अन्तर्राष्ट्रिय पदक जितेर आउँदा पनि सरकारले वास्ता गरेन ।

प्रस्तुत छ, बुर्जासँग गरिएको कुराकानीका सम्पादित अंश :