०४ साउन २०८३, सोमबार
राष्ट्रिय स्वतन्त्र पार्टी (रास्वपा)ले सचिवालय बैठक बोलाएको छ ।
बैठक पार्टी केन्द्रीय कार्यालय, घण्टीघर, वनस्थलीमा आइतबार साँझ ६ बजे बस्नेगरि बोलाइएको छ ।
बैठकमा विभिन्न ६ एजेन्डामा छलफल हुने प्रवक्ता मनिष झाले जानकारी दिए । पार्टीको भेला, अधिवेशन विशेष तालिकाबारे बैठकमा छलफल हुने बताइएको छ ।
प्रवक्ता झाका अनुसार पार्टीका आयोग, विभागमा पदाधिकारी मनोनयनबारे छलफल हुनेछ । जिल्ला समिति विघटनबारे पनि सचिवालयबाट निर्णय गर्ने रास्वपाको तयारी छ ।
यस्तै, अनुशासनात्मक कारबाही, केन्द्रीय समिति बैठक आह्वान र अन्य विषय पनि बैठकका एजेन्डा रहेका प्रवक्ता झाले बताए ।
