२८ असार २०८३, आइतबार
गाडी दुर्घटनामा परेर प्यूठानको स्वर्गद्धारी नगरपालिका उपप्रमुख मिनराज रानामगरको मृत्यु भएको छ ।
शनिबार रानामगरले आफैले चलाएको लुम्बिनी प्रदेश ०१–००१ झ ००८ नम्बर गाडी स्वर्गद्वारी नगरपालिका–२ स्थित बाङ्गेसल्ला सडकबाट ५०० मिटर तल खसेको थियो । उपमेयर मगर स्वर्गद्वारीबाट धनवाङतर्फ जाँदै थिए । उनको घटनास्थलमै मृत्यु भएको प्रहरीले जनाएको छ ।
२०७९ को निर्वाचनमा रानामगर राष्ट्रिय जनमोर्चाबाट निर्वाचित भएका थिए । ५० वर्षीय रानाले आफैले चलाएको गाडी अनियन्त्रित भएर दुर्घटना भएको प्रहरी निरीक्षक गणेश ज्ञवालीले बताए।
