सामाजिक सञ्जाल फेसबुकको म्यासेजिङ प्लेटफर्म 'म्यासेन्जर'मा बुधबार साँझ विश्वव्यापी रूपमा प्राविधिक समस्या देखिएको छ। 

इन्टरनेट सेवाको अवस्था निगरानी गर्ने वेबसाइट 'डाउनडिटेक्टर'का अनुसार अमेरिका र बेलायतसहित विश्वका विभिन्न देशका हजारौँ प्रयोगकर्ताहरूले म्यासेन्जरको सेवा अवरुद्ध भएको भन्दै उजुरी गरेका छन्। नेपालमा पनि यो समस्या रहेको छ । 

डाउनडिटेक्टरको तथ्याङ्क अनुसार साँझ करिब ७ बजेपछि म्यासेन्जरमा समस्या आउन थालेको थियो। प्राप्त रिपोर्टहरू अनुसार ६६ प्रतिशत प्रयोगकर्ताले मुख्य रूपमा सन्देश पठाउन र प्राप्त गर्न समस्या भएको बताएका छन्। त्यस्तै, १९ प्रतिशतले मोबाइल एप नखुलेको र ९ प्रतिशतले वेबसाइटमार्फत म्यासेन्जर चलाउन नसकिएको गुनासो गरेका छन्।

 धेरैजसो प्रयोगकर्ताले सन्देश पठाउन खोज्दा लोड नहुने वा 'कनेक्सन इरर' देखाउने समस्या भोगिरहेका छन्।
म्यासेन्जरसहित कतिपयले फेसबुक र इन्स्टाग्राममा समेत समस्या भएको बताएका छन् ।