काठमाडौं १२ माघ - कोशी बाध फुटेको समयमा पुननिर्माणमा लागि विसं २०६५ सालमा मोरङको विराटनगरमा बसिरहेका भारतीय सुरक्षाकर्मीलाई फिर्ता पठाउन संसदमा आवाज उठेको छ ।
व्यबथापिका संसदको बुधवार बसेको बैठकमा राष्ट्रिय जनमोर्चाकी सांसद मीना पुनले भारतीय सुरक्षाकर्मीलाई फिर्ता पठाउन सरकारको माग गरेकी हुन् । ‘कोशीबाध बनाउन आएका सुरक्षाकर्मी फिर्ता गएका छैनन् । भारतीय झण्डा राखेर बसेको छ ।’ सांसद पुनले भनिन, ‘न त्यो दूतावास हो, न वाणिज्य दूतावास हो । त्यसरी भारतीय झण्डा फहराएर बस्न मिल्छ ?’
उनले भारतीय एयर मार्सललाई काठमाडौंमा बास बस्न दिने कुरा आपत्तिजनक भएको बताइन ।
