२२ जेठ २०८३, शुक्रबार
काठमाडौँ, २२ फागुन- अस्पतालको तेस्रो तलबाट हाम फाल्दा एकजना बिरामीको ज्यान गएको छ । भरतपुर–२४ का ५२ वर्षीय धनराज सुब्बा आइतबार अस्पतालको तेस्रो तलामा रहेको शौचालयको झ्यालबाट हाम फालेका थिए ।
भरतपुर अस्पतालका अनुसार रक्सी सेवनबाट बिरामी परेका उनी शुक्रबार भर्ना भएका हुन् । चितवन जिल्ला प्रहरीकार्यालयका प्रवक्ता प्रहरीनायब उपरीक्षक (डीएसपी) प्रभुप्रसाद ढकालले मेडिकल वार्डमा रहेका बिरामी तीन तलामाथिको झ्यालबाट हाम फालेका कारण बचाउन नसकिएको बताए ।
अस्पतालका सूचना अधिकारी गोपाल पौडेलका अनुसार बिरामीको साथमा उनकैश्रीमती बसेकी थिइन् । बिरामी शौचालय छिर्दा उनले बाहिर बसेर कुरेकी थिइन् ।
परिवारले मृतकको शव सोमबार बिहान बुझेर अन्तिम संस्कार गरेको छ, कान्तिपुरमा खबर छ ।
