काठमाडौं, २६ फागुन–  प्रधानमन्त्री केपी शर्मा ओलीका बुबा मोहन प्रसाद ओलीले छोरोको दोस्रो प्रधानमन्त्रीत्व कालमा देशले फड्को मार्ने बताएका छन् । 

शनिवार प्रधानमन्त्रीको सरकारी निवास बालुवाटारमा भेटिएका मोहनले छोरो दोस्रो पटक प्रधानमन्त्री भएकोमा आफू खुसी भएको बताए । 

आफूले छोरा(प्रधानमन्त्री ओली)लाई खुसीमा नमात्तिनु र दुखमा नमात्तिनु भन्दै सुझाव दिएको बताउँदै त्यसै अनुसार प्रधानमन्त्री केपी ओली अगाडि बढ्ने आशा बाबु मोहनले व्यक्त गरे । 

‘हिजो ऊ जेल पर्दा पनि दुःखी थिइन’ मोहनले भने,‘आज छोरो प्रधानमन्त्री हुँदा पनि गजक्क फुलेको छैन’

देश र जनताको लागि केही गर्छु भनेर छोरो लागेको भन्दै उनले प्रधानमन्त्रीको रुपमा केपीले इमान्दारीता पूर्वक काम गर्ने विश्वास व्यक्त गरे ।