काठमाडौं, १२ चैत– अनलाईन नेटवर्किङ व्यापार गर्ने भन्दै ठगी गर्ने दुई विदेशी नागरिकलाई प्रहरीले पक्राउ गरेको छ । 

वंगलादेश ढाका घर भै हाल काठमाडौं वतिसपुतली वस्ने वंगलादेशी नागरिक वर्ष ३२ का राहत हसन राणा र भारतीय नागरिक तरसेम शर्माले नेटवर्किङ व्यापार गर्ने भन्दै ठगी गरेका थिए । फोरेक्स इन्टरनेशनल अनलाईन मनि मार्केटको एजेन्ट रहेको भन्दै प्रलोभनमा परेर उनीहरुले ठगी गर्दै आएका थिए । 

बंगलादेश, क्यानाडा, अमेरिका लगायतका मुलुकहरुमा संचालनमा रहेको यो कम्पनीको आफूहरु नेपाल एजेन्ट भएको भन्दै उनीहरुले रकम उठाउने गरेको प्रहरीले जनाएको छ ।

यो अनलाईन नेटवर्किङ व्यापारमा  लगानी गरेमा नाफाको २० देखि ६० प्रतिशत सम्म फाइदा दिने भनी विभिन्न व्यक्तिहरुसंग उनीहरुल  रकम लिने गरेका थिए । 

लगानी गरेपश्चात मासिक रुपमा नाफा हुने ग्यारेन्टी गरेको भएतापनि नाफा पनि नदिएको र सावा रकम पनि फिर्ता नगरी ठगी गरेको भनी पीडितहरुले प्रहरीमा उजुरी गरेका थिए । उनीहरुले २० २५ जनालाई ठगी गरेका थिए ।,