०७ असार २०८३, आइतबार
सिमकोट, २६ चैत– हुुम्लाका अधिकांश स्वास्थ्य चौकीमा सरकारले निःशुुल्क वितरण गर्ने औषधिको अभाव भएको छ । स्थानीय सरकारका रूपमा रहेका गाउँपालिका तथा वडा कार्यालयले वार्षिक योजनामा विनियोजन गरेको बजेटबाट औषधि खरिद नगर्दा स्वास्थ्य चौकीमा औषधिको चरम अभाव भएको हो ।
रुघाखोकी तथा ज्वरो आएपछि एक दिन पैदल हिँडेर स्वास्थ्य चौकीमा चेकजाँचका लागि पुुग्नुभएका ताँजाकोट गाउँपालिका–३ मासपुुरका जोख्या बुढाले औषधि नपाएको बताउनुुभयो । मासपुर सदरमुुकाम सिमकोटदेखि चार दिन पैदल दूरीमा पर्छ ।
सर्केगार्ड गाउँपालिकाका आठवटै वडाले औषधि खरिदका लागि एक÷एक लाख रुपैयाँको बजेट विनियोजना गरे पनि हालसम्म कुुनैले पनि खरिद प्रक्रिया अगाडि नबढाएको गाउँपालिकाका स्वास्थ्य इन्चार्ज सन्तोष धामीले बताउनुुभयो ।
हुुम्लामा २६ वटा स्वास्थ्य चौकी, आठवटा सामुुदायिक स्वास्थ्य क्लिनिक र एउटा जिल्ला अस्पताल रहेको जिल्ला अस्पतालका डाक्टर रञ्जितकुुमार यादवले बताउनुुभयो । उहाँले जिल्लाले खरिद गर्ने औषधि सबै खरिद भएर आइसकेको र औषधि एकदेखि तीन चरणसम्म स्वास्थ्य चौकीलाई वितरण गरिए पनि त्यो पर्याप्त नभएको बताउनुुभयो ।, गोरखापत्रमा खबर छ।
