०८ असार २०८३, सोमबार
काठमाडौं, ३१ वैशाख – स्कटल्यान्डका एक किसानले गाईलाई ब्रा लगाएको तस्वीर अहिले भाइरल भइरहेको छ । गाईको हितका लागि आफूले यसो गरेको किसान बताउँछन् ।
गाईका चारवटा थुन हुन्छन् र बाच्छाबाच्छी पछिल्लो थुनबाट दूध पिउन मन पराउँदैनन् । अगाडिको थुनबाट दूध पिएर उनीहरू पछिल्लो थुन छोडिदिन्छन् ।
तर चारै थुनबाट दूध आएन भने सुन्निन्छ । त्यसलाई मस्टिसिस भनिन्छ । महिलाको स्तनमा पीडा भएजस्तै गाईलाई पनि पीडा हुन्छ । स्कटल्यान्डका स्थानीय जनावरमा यो रोग सामान्य छ ।
गाईलाई भएको समस्या देखेपछि किसानले अघिल्लो थुन छोपेमा काम बन्ने ठाने । त्यसपछि उनले अघिल्ला दुई थुनलाई आफ्नी पत्नीको ब्राले ढाकिदिए ।
किसानको यो उपायले गाईको स्वास्थ्य खराब हुनबाट बचायो ।
एजेन्सी
