२९ जेठ २०८३, शुक्रबार
काठमाडौं, ४ जेठ– जारी आईपीएल क्रिकेटमा दिल्लीले नेपाली स्पिनर सन्दिप लामिछानेलाई अर्को अवसर दिएको छ ।
दिल्लीले चेन्नई सुपर किंग्सविरुद्ध सन्दिपलाई मैदान उतार्ने पक्का गरेको हो ।
पहिलो खेलमा रोयल च्यालेन्जर्स बैंग्लोरविरुद्ध खेलेका सन्दिपले फेरि अवसर पाएका हुन् ।
बैंलोरविरुद्ध ४ ओभर बलिङ गरेका उनले २५ रन खर्चेर एक विकेट लिएका थिए । सो खेलमा टीमले हारेपनि उनले राम्रो प्रदर्शन गरेका थिए ।
१२ खेलमा ८ खेल जितेको चेन्नई अंकतालिकाको दोस्रो स्थानमा रहेको छ । चेन्नईमा सेन वाट्सन र महेन्द्र सिंह धोनीलगायतका स्टार खेलाडी रहेका छन् ।
यता १२ खेलमा ३ खेल मात्र जितेको दिल्ली अंक तालिकाको पुछारमा रहेको छ ।
