२९ जेठ २०८३, शुक्रबार
काठमाडौं, ७ जेठ – चीनले भारतको अरुणाचल प्रदेश सीमाक्षेत्रमा ठूलो मात्रामा उत्खनन कार्य शुरु गरेको छ । त्यहाँ सुन, चाँदी तथा अन्य बहुमूल्य खनिज फेला परेका छन् ।
तिनको मूल्य ६० अर्ब डलर आँकिएको छ । हङकङबाट प्रकाशित साउथ चाइना मर्निङ पोस्टको समाचारअनुसार, उत्खनन परियोजना भारतको सीमामा जोडिएको लहुन्जे काउन्टीमा चलिरहेको छ ।
चीनले अरुणाचल प्रदेशलाई दक्षिण तिब्बत भन्ने गरेको छ । आधारभूत रूपमा तीव्र विकासका साथ उक्त क्षेत्रमा रहेका प्राकृतिक संसाधनमा दाबी गर्ने चीनको कदमले विवाद निम्त्याउने पक्का छ ।
अरुणाचल प्रदेशलाई आफ्नो नियन्त्रणमा पार्नका लागि चीनले उत्खनन कार्य बढाएको भारतको दाबी छ ।
स्थानीय अधिकारी, चिनियाँ भूगर्भशास्त्री तथा रणनीतिक विशेषज्ञहरूसँग प्राप्त जानकारीका आधारमा उक्त पत्रिकाले चीनको रणनीतिको खुलासा गरेको हो ।
तर चीनका राष्ट्रपति सी चिनफिङ र भारतका प्रधानमन्त्री नरेन्द्र मोदीबीच वुहानमा भएको पहिलो अनौपचारिक बैठकमा दोक्लम गतिरोध जस्ता घटना दोहोरिन नदिनका लागि सहमति बनेको छ ।
दोक्लम गतिरोधले द्विपक्षीय सम्बन्धलाई तनावपूर्ण बनाएको थियो। बेइजिङस्थित चीनको भूविज्ञान विश्वविद्यालयका प्राध्यापक झेङ युयेका अनुसार, अयस्क हिमालय क्षेत्रमा चीन र भारतबीच सन्तुलन बिग्रन सक्छ ।
एजेन्सी
