वासिङ्टन डिसी, १० जेठ– अमेरिकी राष्ट्रपति डोनाल्ड ट्रम्पले उत्तर कोरियाली नेता किम जोङ उनसँग हुने भनिएको वार्ता रद्द गरिदिएका छन् । अहिलेका लागि तोकिएको समयमा वार्ता हुन अनुपयुक्त भएको ट्रम्पको भनाइ छ । 

उत्तर काेरियाका सर्वाेच्च नेता किम र अमेरिकी राष्ट्रपति ट्रम्पबीच जुन १२ तारिखमा सिंगापुरमा वार्ता हुने तयारी थियो ।

ट्रम्पले उत्तर कोरियाद्वारा हालै जारी गरिएको वक्तव्यका कारण वार्ता रद्द गर्नुपरेको बताएका छन् । उत्तर कोरियाले हालै जारी गरेको वक्तव्यलाई ट्रम्पले ‘धेरै निराशाजन्य र भाड्काउपूर्ण’ भएको बताएका छन् । 

उत्तर कोरियाली नेता किमका लागि लेखेको पत्रमा ट्रम्पले भनेका छन् कि उनी किमसँग कुनै दिन भेट्नका लागि धेरै उत्सुक थिए । 

ट्रम्पले किमलाई लेखेकाे पत्रमा भनेका छन्, ‘म तपाईंसँगको भेटका लागि ब्यग्र प्रतिक्षामा थिए । तर तपाईंले हालै सार्वजनिक गरेको बयानमा उल्लेख गम्भीर निराशा र आक्रोशका कारण अहिलेका लागि योजनावद्ध वार्ता उचित छैन ।’
 

A letter from the President to Chairman Kim Jong Un: "It is inappropriate, at this time, to have this long-planned meeting." pic.twitter.com/3dDIp55xu1

— The White House (@WhiteHouse) May 24, 2018