१३ असार २०८३, शनिबार
काठमाडौं, २४ जेठ–नेपाल कम्युनिस्ट पार्टी (नेकपा) संसदीय दलमा अब बोर्ड समिति गठन गरिने भएको छ । संसदीय दललाई छिटोछरितो सञ्चालन एवं तुरुन्त निर्णय गर्न बोर्ड समिति गठनको तयारी भएको हो । संसदीय दलमा आवश्यक समिति एवं उपसमितिहरू गठन गरिने भएको छ । नेकपा संसदीय दलको विधान मस्यौदा समितिले बोर्ड र समिति एवं उपसमिति गठन गर्न पार्टीलाई सुझाव दिएको छ ।
संसदीय दल विधान मस्यौदा निर्माण समितिका संयोजक एवं नेकपाका नेता भीम रावलको नेतृत्वमा बनेको समितिले यस्तो सुझाव दिएको हो । ८ जेठमा गठन भएको समितिलाई १५ दिनभित्र प्रतिवेदन पार्टी सचिवालयमा बुझाउन निर्देशन दिइएको थियो ।
विधान मस्यौदाको काम सकिए तर बुझाउन बाँकी रहेको सदस्य रेखा शर्माले बताइन् । शर्माले भनिन्, ‘समिति संयोजक उपत्यका बाहिर हुनुहुन्छ, आउनासाथ प्रतिवेदन बुझाउनेछौं ।’ रावल नेतृत्वमा गठन भएको कार्यदलमा देव गुरुङ, खगराज अधिकारी, कृष्णभक्त पोखरेल, रामनारायण बिडारी र शर्मा सदस्य छन् । आजको राजधानी दैनिकमा खबर छापिएको छ ।
