काठमाडौँ, २९ माघ - संसद्को महाभियोग सिफारिस समितिले अख्तियार दुरुपयोग अनुसन्धान आयोगका तत्कालीन प्रमुख आयुक्त लोकमानसिंह कार्कीविरुद्धको छानबिन प्रतिवेदन सभामुख ओनसरी घर्तीलाई हस्तान्तरण गरेको छ ।समितिले अदालतको आदेशानुसार कार्की पदमुक्त भइसकेको अवस्थामा महाभियोग नलाग्ने तर काम कारबाही भने महाभियोग योग्य भएको निष्कर्षसहितको प्रतिवेदन सभामु्खलाई बुझाएको हो, आजको गोरखापत्रमा खबर छ ।
समितिका ज्येष्ठ सदस्य कुमारीलक्ष्मी राईले सभामुख घर्तीलाई समितिको प्रतिवेदन हस्तान्तरण गरेकी हुन् । प्रतिवेदन हस्तान्तरणमा समिति सदस्य पनि उपस्थित थिए ।
समितिले सभामुखलाई हस्तान्तरण गरेको प्रतिवेदन संसद्मा छलफल हुनेछ ।