माधव कुमार रिमाल

मेरी आमै, तिमी माग्ने कसरी भयौ ? 
कहाँ गयो तिम्रो अक्षय ऐश्वर्य ?

कहाँ गयो तिम्रो अतुलनीय सम्पदा ? 
कसरी तिमी हुन पुग्यौ माग्ने ?

कहाँ गए तिम्रा रक्षक सपूतहरु ? 
राक्षसी भेलले बगायो तिनलाई ?

कि मौका पर्खेर लुकेका छन् ?

तिमी अब चिन्ता नगर ।

तिम्रा सपूतहरु जुर्मुराए । 
परशुरामले दुष्टहरुको विनाश गरे सरह 
तिम्रा सपूतले सब राक्षसको गर्नेछन् विनाश । 

तिमी धारण गर रुप महाकालीको 
आवश्यक परे भोलेनाथको खुलाऊ तेस्रो नेत्र 
चरित्रहीन, राष्ट्रद्रोही राक्षसहरुको विनाशको बेला आयो !

”आमाको रक्षा राक्षसहरुको विनाश” 
अव धेरै टाँढा छैन । 
तिम्रा सपूतहरुलाई केवल चाहिएको छ 
तिम्रो आशीर्वाद ।