जब चढ्छ यौवन बिस्तारै बिस्तारै

हराउँछ बचपन बिस्तारै बिस्तारै

खुला आकाशमा उडौँ झै लाग्छ

सानो भयो आँगन बिस्तारै बिस्तारै

म गुलाबहरुले स्वागत गर्नेछु

हुँदा तिम्रो आगमन बिस्तारै बिस्तारै

मर्यादा नबिर्स, धैर्यता नगुमाऊ

पक्कै हुनेछ मिलन बिस्तारै बिस्तारै

***

त्यो पहिलो प्यार सक्छौ र भुल्न

आनन्द अपार सक्छौ र भुल्न

बहाना घुर्की, कुराका बान्की

अनेकौं प्रकार सक्छौ र भुल्न

 माया गर्नेहरू नभेटिने होइनन्

मजस्तो दिलदार सक्छौ र भुल्न

मसँग कल्पना गरेर देखेको

मायाको संसार सक्छौ र भुल्न