०३ असार २०८३, बुधबार
काठमाडौं– रसुवामा गएराति पहिरोमा पुरिएर ४ जनाको मृत्यु भएको छ भने १२ जना घाइते भएका छन् । अविरल वर्षापछिको पहिरोले एक प्रहरी पोस्ट, दुई घर, ३ भ्यान, १ ट्रक र एउटा नम्बर नखुलेको गाडी पुरिएको जिल्ला प्रहरी कार्यालय रसुवाले जनाएको छ ।
पहिरोले गोसाइँकुण्ड गाउँपालिकाको टमुरे प्रवेशद्वारमा रहेको अस्थायी प्रहरी पोष्ट र त्यस वरपर रहेका घर पुरेको हो । पहिरोमा परि घाइते भएका १२ जनाको उद्धार गरिएको छ ।
पहिरोमा ज्यान गुमाएकाहरूको पहिचना खुलेको छैन । बजार क्षेत्र भएकाले स्थानीयका अलावा यात्रु, यातायात व्यवसायीको पनि मृत्यु भएको हनुसक्ने प्रहरीको अुनमान छ ।
अविरल वर्षापछि सडक अवरुद्ध भएकाले खोजी तथा उद्धारका लागि घटनास्थल पुग्न केही कठिनाइ भएको छ । घटनाको विस्तृत विवरण आउन बाँकी छ ।
