०२ साउन २०८३, शनिबार
नुवाकोट– नुवाकोटको ककनी गाउँपालिका–१ स्थित मगटा पाँचमुरीको धान खेतमा श्री एयरलाइन्स कम्पनीको हेलिकप्टर बुधबार साँझ आकस्मिक अवतरण गराइएको छ ।
चितवनबाट क्यान्सर सम्बन्धि बिरामी लिएर काठमाडौंको ग्राण्डी अस्पताल आउँदै गरेको हेलिकप्टर मौसमको खराबीका कारण आकस्मिक अवतरण गराइएको इलाका प्रहरी कार्यालय आखरपौवाले जनाएको छ ।
हेलिकप्टरमा चालक दल–१ नर्स–१ बिरामी–१ र बिरामी कुरुवा–१ गरि जम्मा ४ जना सवार रहेकोमा उनीहरु सबै सकुशल रहेको प्रहरीले जनाएको छ ।
यस्तै हेलिकप्टरको भने स्टयाण्डको भाग हल्का हिलोमा गडेको प्रहरीले जनाएको छ ।
यसैबीच हेलिकप्टर आजै उड्ने सम्भावना नरहेपछि बिरामीलाई एम्बुलेन्समार्फत काठमाडौं पठाइएको छ ।
