१० साउन २०८३, आइतबार
काठमाडौं – आफ्नो दोस्रो ओडीआई म्याचमा नेपालले अहिले नेदरल्यान्ड्ससँग प्रतिस्पर्धा गरिरहेको छ ।
नेदरल्यान्ड्समै भइरहेको प्रतियोगितामा २० ओभरको खेल सकिँदा नेपालको आधा टीम पेबिलियन फर्किसकेको छ ।
उपकप्तान ज्ञानेन्द्र मल्ल १३ र अनिल साह ४ रन बनाएर कलासेनको शिकार बनेका छन् ।
यस्तै सुवास खकुरेल र दीपेन्द्र ऐरी समान १९ तथा रोहित पौडेल ६ रन बनाएर आउट भएका छन् ।
यो समाचार तयार पार्दासम्म नेपालले २२ ओभरमा ५ विकेट गुमाएर ९५ रन जोडेको छ ।
यसअघि भएको पहिलो ओडीआईमा नेपाल ५५ रनले पराजित भएको थियो ।
आजको खेल नेपालले जितेमा सिरिज बराबरीमा टुंगिनेछ भने अन्यथा नेदरल्यान्ड्सले क्लिकस्विप गर्नेछ ।
