कर्नाटक चुनाव प्रचारका क्रममा अप्रिलमा कांग्रेस अध्यक्ष राहुल गान्धी सवार विमानमा प्राविधिक त्रुटी आएको थियो । जसका कारण विमान आकस्मिक अवतरण पनि गरिएको थियो । तर एक रिपोर्ट अनुसार राहुल गान्धी सवार विमान दुर्घटनाको निकै नजिक पुगेको थियो । 

रिपोर्टका अनुसार प्राविधिक खराबी आएको केही सेकेन्डमै विमान आकस्मिक अवतरण नगरिएको भए गम्भीर परिणाम आउन सक्थ्यो । अर्थात विमान दुर्घटनामा पर्ने थियो । 

त्यसदिन राहुल सवार विमान अचानक एक तर्फ झुक्न लागेको थियो र विमानबाट आवाज पनि आइरहेको थियो । विमान अटो पाइलट मोडमा चलिरहेको थियो ।

तर, यस घटनालाई कांग्रेसले योजनाबद्धको आरोप लगाएको थियो । राहुलका नजिकका विद्यार्थी नेताले कर्नाटक प्रहरीमा यसको उजुरी पनि दिएका थिए । त्यसपछि घटनाको लागि जाँच समिति बनाइएको थियो । 

रिपोर्टका अनुसार जब जहाजमा गडबडी आयो तब क्रु मेम्बरहरुले यसलाई नियन्त्रण लिन समय लगाएका थिए ।

यदी केही समयभित्र नै यसलाई नियन्त्रणमा नलिएको भए विमान दुर्घटनामा पर्न सक्थ्यो । कांग्रेसले जाँचको रिपोर्ट सार्वजनिक गर्न माग गरिरहेको भारतीय सञ्चारमाध्यमहरुले जनाएका छन् ।