२१ जेठ २०८३, बिहीबार
काठमाडौं– सर्वोच्च अदालतले रिहा गर्ने आदेश दिएलगत्तै नेत्रबिक्रम चन्द (विप्लव) नेतृत्वको नेकपाकी पोलिटब्यूरो सदस्य उभा भुजेल पुन पक्राउ परेकी छन् ।
काभ्रेको क्रसर उद्योगमा आगजनी गरेको मुद्दामा भदौ १२ गते काठमाडौंको बालाजुबाट पक्राउ परेकी भुजेललाई सर्वोच्च अदालतले शुक्रवार रिहा गर्न आदेश जारी गरेको थियो ।
उमालाई गैरकानूनी रुपमा हिरासतमा राखिएको भन्दै प्रतिमा भुजेलले भदौ १७ गते दायर गरेको बन्दीप्रत्यक्षीकरणको रिटमा सुनुवाई गर्दै सर्वोच्च अदालतका न्यायाधीश द्वय सारदा प्रसाद घिमिरे र प्रकाशमानसिंह राउतको संयुक्त इजलाशले शुक्रवार थुनामुक्त गर्न आदेश दिएको थियो ।
सर्वोच्चको आदेश पछि रिहा भएकी रिमालाई काठमाडौंको माइतीघरबाट नियन्त्रणमा लिइएको प्रहरी स्रोतले जनाएको छ ।
नेकपा माओवादीले सञ्चालन गरेको सशस्त्र द्वन्द्वका क्रममा गोरखा जेल ब्रेक गरेर चर्चामा आएकी भुजेल पहिलो संविधानसभामा समानुपातिक निर्वाचन प्रणालीबाट सभासद समेत भएकी थिइन् ।
