०८ असार २०८३, सोमबार
काठमाडौं– उपनिर्वाचनमार्फत संघीय संसदमा आउने कसरतमा रहेका नेकपा सचिवालय सदस्य वामदेव गौतम डोल्पाको विकल्प बाँके क्षेत्र नम्बर तीन तिर केन्द्रीत बनेको खबर आजको नयाँ पत्रिका दैनिकमा छापिएको छ ।
वामदेवका लागि अहिले महासचिव विष्णु पौडेलले बाँके क्षेत्र नम्बर ३ का सांसद नन्दलाल रोकायासँग कुराकानी गरेका हुन् ।
यसो त उनका लागि दैलेख क्षेत्र नम्बर १ का सांसद रवीन्द्रराज शर्माले पनि आफ्नो क्षेत्रबाट उपनिर्वाचन लड्न अफर गरेका छन् । शर्माले वामदेव सो क्षेत्रबाट उठ्न इच्छुक भए आफू राजीनामा दिन तयार भएको बताएको समाचारमा उल्लेख छ ।
